Arrantzarako prestakuntza

Blas de Lezo Lanbide Heziketako ikastetxe integratuak, itsasorako eta arrantzarako prestakuntza ematen du. Prestakuntza hori diseinatuta dago Merkataritza Itsasketako ziurtagiri eta titulu profesionalak (STCW 75/98 nazioarteko hitzarmenari atxikiak) eta arrantza-sektorean behar diren titulu profesionalak eskuratzeko aukera emateko.

Arrantza-arloko prestakuntzaren ezaugarriak:

ARRANTZAKO TITULU PROFESIONALAK eta dagozkien txartel profesionalak Eusko Jaurlaritzaren Arrantza eta Akuikulturako zuzendaritzaren mende daude.

  • Bertan egiteko ikastaroak dira, eta 24 eta 700 ordu arteko iraupena dute.
  • Eskolak goizez eta arratsaldez edo arratsaldez bakarrik izaten dira.
  • Itsasoko profesionalek zuzenduak, arrantzako profesionalak prestatzeko.

Hauentzat dira ikastaroak:

  • Nabigazioaren zaintzaz edo makina-gelako zaintzaz arduratu behar duten ofizialentzat.
  • Zubiko eta makinetako ofizialentzat.
  • Arrantza-ontzietako tripulatzaile mendekoentzat edo akuikulturako laguntzaileentzat.
  • Ontzi-mekanikarientzat.
  • Alturako patroientzat.

 

Arrantzako eta urpean igeri egiteko titulu profesionalak:

  • Arrantzale marinela.
  • Bertako arrantzaren patroia.
  • Balio anitzeko itsasertzeko patroia.
  • Arrantza kapitaina.
  • 1.go mailako mekaniko eta ontzigintzako makanikoen atribuzioen igoera.
  • Mekaniko nagusien eta ontzigintzako makaniko nagusien atribuzioen igoera.

URPEKARITZA PROFESIONALEKO prestakuntza (sakonera txikian, 30 metrora arte)

Prestakuntzaren helburuak:

  • Gure ikasleak trebatzen dituzte arrantza-ontziak gobernatzen jakin dezaten, bai zubian bai makinetan, eskumenen, nabigazio-eremuen eta arrantza egiteko guneen arabera.
  • Ikasleak gaitzen dituzte askotariko arrantza-ontzietan agintzeko, tituluak ematen dizkien eskumenen arabera..